Pozivamo seh na „IV. Pusni vremeplov“ ki će se održat četrtak, 05. 02. 2015. na 6 ur večer va Palihovoj sale v Rukavce. Prikazat će se dokumentarni film o pokladnim običajima na Kastavštini „Žeji j’ vavek“ u režiji Ines Pletikosa, prema scenariju Lidije Nikočević.

Noć kraljic (cic, guzic, pumpic i sega nečesa…)“ održat će se petak, 06. 02. 2015. va caffe bare „Žejanka“ od 9 ur večer naprvo.

Važno je da si ki pridu budu maškarani, posebno muški, i to va ženske, a s obziron da je noć kraljic, moraju to storit čin lepše.

Zibrat ćemo najmaškaranega/ju, ki će dobit bogate nagradi od keh izdvajamo putovanje. Prijavi se primaju na šanke caffe bara „Žejanka“ celu ovu šetemanu, ali i petak prvo nego to se skupa počne. Atmosferu će zagrijavat naš kućni „Pumpa bend“, ki će za ovu priliku bit va žensken izdanjen. Za si prijavjeni organizirane su i zanimjive igri, a prigodno maškarane domaćice garantiraju van dobru zabavu.

Pridite i zabavite se skupa z kraljicami!

Maškarana biciklijada po pusneh puteh predviđena za subotu, 07. 02. 2015. neće se održat.

Maškarana biciklijada po pusneh puteh predviđena za subotu, 07. 02. 2015. neće se održati.

Partenca je na 10 ur.
Kotizacija od 50 kn uključuje jutro kafe al rakiju i slašćicu, pijaču va oštarije „Žejanka“ i za obed maneštru, repu, palentu i kumbasicu i slašćicu za desert va „Štacijon“ pul Matuj.

Ruta je: Matulji (Štacijon) – Jušići – Principi – Brajani – Mučići – Brešca – „Žejanka“ (piće) – Brešca – Jurdani – Jušići – Šmogori – Štacijon (obed).
Dužina ruti je 18 km, a visinska razlika je 291 m, najviša točka je 409 mnv. Predviđeno trajanje ruti je 2 ure.

Pravo učestvovanja imaju si MAŠKARANI judi dobre voji stareji od 15 let.

Biciklijada je rekreativnega karaktera i brzina kretanja bit će prilagođena najsporejen. Si učesnici su dužni držat se uputi vodiči i poštovat brzinu i smjer kretanja.

Cilj biciklijadi je druženje, zabava i promocije biciklističkeh staz na područje općini Matulji.