Mrzli pijat

Domaći pršut, zarodulana panceta, suhe kombasice i kruh pod črepnjun – se specijaliteti keh morate provat!

Maneštra od konpira i fažola

Starinsko jilo Kastafšćini ko se dela od friškega konpira i suhega fažola. Va kuhano se stavi žličicu octa po gušte, a more se stavit kuhat i malo mlade frmenti.

Fritaja

Dela se od jaj, a more bit sa sačeren – šparogami, kapulicun, lukići, pršuton, pancetun, kombasicami…

Gulaš z njoki

Od junetini, divljači al mešani. Delal se samo za feštu al kadaje bilo va kuće mesa. Onda su se otprle se poneštri da celo selo po dihe zna da j’ va kuće sledić mesa. Z gulašon najboje redu njoki od konpira al fuži…

Kobasice, pečenice

Najboje su s brgujsken kiselen kapuzon, broskvun, palentun al s konpiron pečenen va kore.  Brgujski kapuz je autohtona sorta ka uspijeva samo va oven kraje. Ako provate – neće Van bit žal!!!

Pijane palačinke

Testo se speče i puni za decu z medon al marmeladun, a za stareji sa zmešanen cukaron, lemuncinon i rakijun.

Ofčji sir

Z ulikoven ulen, papron i paprikun – za prsti polizat!

Juha od šparog, koprivi

Kako ki štajon pride tako se delaju i ove, obične al kremaste juhi. Šparogi, kopriva, koromač, lukići – ne znaš ča j’ boje?!

Skuta va pere do ruži

Stepli se skuta i posloži na pera od ruži.

Jančevina pod črepnjun

I jančevina z ovisteh kraji je jako dobra. Provajte!!!

Zarebrnik va vine

Ovo je malo moderneje jilo. To je najbojo prašćo meso ko se posuši i podimi. Poten se  pofriga na putre i podleje z vinon. Ji se s kiselen kapuzon i palentun.

Supice

Ki je rekal da se stari kruh hita – store se supice!!!